Nxënësit e shkollës ‘Mehmet Akif – Gjakova’ janë vlerësuar së bashku me shkollat e tjera nga ministri i Mjedisit dhe Planifikimit Hapësinor, Fatmir Matoshi, pas suksesit që treguan në ekogarën ‘Oborri më i mirë shkollor’.

Arsimtarja e ‘Mehmet Akif – Gjakova’, Edita Mati që formoi në shkollë ‘Grupin e të Gjelbërtve’ për të marrë pjesë në garë, u shpreh se nuk do të ndalen duke kontribuar në vetëdijesimin e popullatës se si të krijojmë një mjedis sa më të gjelbërt dhe të pastër.

Edhe drejtori i shkollës Fatih Aktas ka falënderuar organizatën Green Art Center për garat e organizuara në mbrojtje të mjedisit.

Shkolla ‘Mehmet Akif – Gjakovë’ mori pjesë në projektin ‘Eco Gara – Oborri më i Mirë Shkollor’ dhe ishte një votim i hapur përmes pëlqimeve në rrjetin social “Facebook”.

Në këtë garë, shkolla zuri vendin e parë me mbi 1 500 pëlqime dhe u shpërblye me një mirënjohje nga ministri i Mjedisit dhe Planifikimit Hapësinor, Fatmir Matoshi, si dhe më një komposter nga Organizata Green Art Center-GAC për shkollën.

Arsimtarja Edita Mati ka thënë se ndihet e lumtur që grupi i saj fiton vendin e parë dhe ka paralajmëruar garën e radhës.

“Nxënësit e kolegjit do të vazhdojnë edhe më tutje në garat tjera të organizuara nga Kuvendi Komunal i Gjakovës dhe nuk do të ndalemi duke kontribuar në vetëdijesimin e popullatës se si të krijojmë një mjedis sa më të gjelbërt dhe të pastër . Është shumë e rëndësishme për ne, të arrijmë aspiratat tona tek nxënësit, gjithashtu është kënaqësi për mua kur punoj me ta sepse janë shumë të përkushtuar dhe të përgjegjshëm në këtë fushë. Ata janë të vetëdijesuar se faktorët natyrorë dhe shoqërorë të mjedisit ndikojnë drejtpërdrejt në jetën dhe zhvillimin e tyre në të ardhmen. Pra, do të vazhdojmë me moton e njohur: Janë gjërat e vogla në jetët tona, që krijojnë diferencë të madhe”, ka thënë ajo.

Kurse drejtori i shkollës ‘Mehmet Akif – Gjakova’, Fatih Aktas ka inkurajuar organizatën Green Art Center për vazhdimin e garave.

“Për mjedisin në kohët e sotme është mobilizuar e gjithë bota prandaj e përgëzoj organizatën që i dha mundësinë shkollës ‘Mehmet Akif – Gjakova’ të marrë pjesë. Ne si shkollë iu japim rëndësi garave për mjedisin”, ka thënë ai.

Garë tjetër ishte edhe ‘Arti i ripërdorimit’ ku nxënësit krijuan punime të ndryshme me mjete recikluese shumë të bukura dhe morën pjesë në ekspozitën e organizuar nga GAC, në Pallatin e Kulturës në Gjakovë.

Gjatë kësaj gare nxënësja, Rina Muhaxhiri me ndihmën e mësueses së artit

Elza Arapi krijoi një vepër arti me kapakët e shisheve të plastikës, pikturë kjo e cila bëri bujë të madhe në rrjetet sociale.
Po e njëjta pikturë u pëlqye shumë nga drejtoresha e GIZ-it Ewelina Rathje.

/Epoka e re/