![](https://www.epokaere.com/wp-content/uploads/2024/09/IMG_4596.jpeg)
Mehmet Loci tregon se si ishte kamufluar si gazetar i Tanjugut për të marrë pjesë në seanca ku dënoheshin shqiptarët
Mehmet Loci ka vazhduar të mohojë akuzat që i janë bërë atij për dhunën e ushtruar ndaj ish të burgosurve politikë shqiptarë.
Ai në “Debat Plus”, e mohoi se e ka torturuar Haki Morinën e Hidajete Hysenin të cilët e kishin akuzuar Locin për tortura.
“Me Haki Morinën nuk kam zhvillu bisedë, ai thotë Mehmet Loci duhet të ketë kërku falje në Rubikon. Unë Haki Morinën nuk e kam marrë në pyetje, kam prova kë e kam marrë në pyetje, kurrë s’kam zhvillu bisedë. Prej qetyne që janë laku emrat, përpos Rasim Selmanajt, Hidajete Kelmendit”, tha ai.
“Hidajete Kelmendi e pohon që më ka pa. Në atë periudhë kur ka qenë grupi i tyre, unë kam qenë në spitalin ortopedik. Kjo vetë e pohon, thotë kam qenë një natë e një ditë, e nga aty është dërgu në burgun e Mitrovicës, ishte fundi i vitit ’85-të, kam qenë në repartin ortopedik të Pejës. Ka mujt mem pa në sallën e gjykimit”, vijoi ai.
Ai tutje tha se kishte marrë pjesë në seanca gjyqësore si i kamufluar si gazetar i Tanjugut të Serbisë.
“Kam qenë i kamufluar si gazetar i Tnjugut, në gjykata. Ka qenë rregull që i ka përcaktu shërbimi. Kam marrë pjesë në seancë jo shumë herë, pastaj u bë bajat”, tha ai.
Ai ka thënë se nga mbi 50 seanca ai ka marrë pjesë mbi 40 nga to dhe se shpeshherë ai ishte i ulur i kamufluar si gazetar në afërsi të familjarëve të atyre që po gjykoheshin.