Basketbollisti i KB Rahoveci, Leonard Mekaj, ka pësuar një lëndim të martën në ndeshjen me Sigal Prishtinën për Superkupë.

Mekaj ka thënë për faqen zyrtare të FBK-së, se ka pësuar frakturë të dyfishtë në hundë dhe për këtë arsye duhet të operohet.

“Mjekët e kanë konstatuar se kam pësuar frakturë të dyfishtë. Duhet t’i nënshtrohem operimit dhe më pas të kthehem në parket. Ende nuk e di saktë se kur do të jem në gjendje të luaj, pasi fillimisht varet nga operimi dhe më pas faza rehabilituese. I falënderoj të gjithë për përkrahjen që më kanë dhënë”, ka thënë Mekaj për faqen e FBK-së.