Një tjetër çast i sikletshëm ka ndodhur në mes të presidentit Donald Trump dhe zonjës së parë të Amerikës, Melania Trump. Teksa Melania përfundoi fjalimin në konventën e republikanëve për zgjedhjet presidenciale, Trump u përkul për ta puthur. Një veprim ky të cilin e ka vënë në siklet zonjën e parë, e cila, në fotografitë që po qarkullojnë në media, duket qartë se ka dashur ta shmangë puthjen në buzë nga bashkëshorti.

Në nxitim e sipër, Melania ktheu faqen dhe ky veprim është komentuar mjaft në rrjetet sociale. Veprime të tilla janë të herëpashershme mes çiftit presidencial. Kujtojmë që javën e kaluar Melania është vënë re teksa largon dorën nga presidenti Trump.