Vizita e kryeministres italiane, Giorgia Meloni te presidenti Aleksandër Vuçiq, dje në Serbi nuk ishte vetëm një vizitë kortezie.

Kështu ka shkruar të hënën e përditshmja italiane “La Repubblica”.

Italia është investitori i tretë më i madh në Beograd me një bilanc tregtar që ka arritur në 2 miliardë euro në gjashtë muajt e fundit.

Kryeministrja italiane pas më shumë se një ore bisedë me Vuçiqin, ka përsëritur mbështetjen e Italisë për hyrjen e Serbisë në Bashkimin Evropian, por në këmbim ka kërkuar njohjen e Kosovës, edhe në zonën ku është i pranishëm minoriteti serb.

“Në të njëjtën kohë, Vuçiq kërkoi të përshpejtohet procesi i hyrjes së Serbisë në Evropë, në dritën e nacionalizmit të ekstremit të djathtë që edhe ai, një nacionalist në çdo rast, e ka gjithnjë e më të vështirë për ta kontrolluar: vrasja e një polici ishte e mjaftueshme. pikërisht në Kosovë, për të ngritur tensionin me përleshje në kufi ku ishte përfshirë edhe kontingjenti paqeruajtës italian”,, shkruan “La Repubblica”.

Në deklaratat e shkurtra në fund të takimit (pa pyetje nga gazetarët), Meloni e ka përsëritur qartë linjën, pasi i ka kërkuar privatisht Vuçiqit një përpjekje për çështjen e Kosovës, e cila është shumë shqetësuese për BE-në.

“Ne kemi qenë dhe do të vazhdojë të jetë ndër mbështetësit kryesorë të procesit të zgjerimit: gjithmonë e kam cilësuar si “ribashkimin e Evropës”.

Meloni ka shkuar aq larg sa ka thënë se ajo zonë është thelbësore për Evropën, e cila nuk mund të thuhet se është vërtet e bashkuar derisa Ballkani Perëndimor të ketë hyrë në familjen evropiane.

Më pas Meloni ia ka lënë Vuçiqit një mesazh jo vetëm për Kosovën, por edhe për marrëdhëniet me Rusinë.

“Integrimi evropian i Ballkanit Perëndimor është një rrugë që ne duhet të vazhdojmë ta ndjekim, edhe sepse është thelbësore të garantojmë këtë rajon”, citohet të këtë thënë Meloni.