Kryetari i Partisë Demokratike të Kosovës (PDK), Memli Krasniqi, ka përkujtuar komandantin e Brigadës 113 të Zonës Operative të Drenicës, Mujë Krasniqi, dhe 41 bashkëluftëtarët të tij, në 24-vjetorin e rënies së tyre në brezin kufitar shqiptaro-shqiptar, në Gorozhup të Pashtrikut.

Krasniqi përmes një postimi në “Facebook” është shprehur se sakrifica e komandant Kapuçit do të mbetet përherë në mbamendjen historike të popullit të Kosovës.

“Sakrifica emblematike e Komandant Kapuçit, i cili përkundër plagëve të pashëruara në trup, bashkë me bashkëluftëtarë priu në frontin e luftës, do të mbetet përherë në mbamendjen historike të popullit të Kosovës, në luftën tonë shekullore për liri e pavarësi. Lavdi e përjetshme për jetën dhe veprën e të gjithë heronjve të Ushtrisë Çlirimtare të Kosovës!”, ka shkruar Krasniqi.