Ministria e Mbrojtjes dhe fshati Zhegoc i Komunës së Gjilanit kanë nënshkruar të martën memorandum mirëkuptimi.

Ky memorandum është nënshkruar mes sekretares së përgjithshme e Ministrisë së Mbrojtjes dhe përfaqësuesit të fshatit Zhegoc të Gjilanit, invalid i luftës i Ushtrisë Çlirimtare të Kosovës dhe nënoficer i pensionuar i Forcës së Sigurisë të Kosovës (FSK), Fadil Rashiti.

Memorandumi i mirëkuptimit ndërmjet Ministrisë së Mbrojtjes/FSK-së dhe fshatit Zhegoc, ka për qëllim bashkëpunimin e palëve në shfrytëzimin e hapësirave tokësore të fshatit, për realizmin e trajnimeve nga Forca e Sigurisë së Kosovës, në afat prej tre viteve pa kompensim financiar dhe material.