Deputeti i PDK-së, Mërgim Lushtaku, ka konfirmuar se do të kandidojë për një mandat të dytë në Kuvendin e Kosovës në zgjedhjet e 9 shkurtit 2025, ku mban numrin 100 në listë. Lushtaku, i njohur për aktivitetin e tij të zëshëm në legjislaturën e tanishme, po pëlqehet shumë në rrjete sociale, duke marrë mbështetje të gjerë. Ai është një prej kandidatëve që ka marrë më së shumti pëlqime, me mbi 4,100 like në postimin ku njoftoi numrin garues, madje duke tejkaluar disa liderë të partive të tjera politike.