Mërgimtari Jakup Hasani, ka bërë një tatuazh në dorën e tij portretin e Hashim Thaçit.

Jakup Hasani, i cili jeton në Zvicër së bashku me familjen e tij, asnjëherë nuk e ka vënë në dyshim simpatinë dhe mbështetjen për Hashim Thaçin dhe PDK-në.

Sipas informacioneve që ka siguruar “Epoka e re”, e gjithë familja e tij që jeton në fshatin Nivokaz në rrethin e Gjakovës, kanë dhënë kontributin maksimal gjatë luftës në Kosovë, duke kontribuuar drejtpërdrejt në radhët e UÇK-së.

Ai në qytetin e tij në Zvicër ku jeton dhe vepron ka edhe një lokal e që sipas postimeve të tij në “Facebook” aty shihet fotoja e ish-presidentit Thaçi dhe shumë figurave patriotike të kombit.

Po ashtu, Jakupi ka bërë me dije se nga gjithsej dhjetë kandidatët e PDK-së, do ta votojnë edhe kandidatin për deputet nga diaspora, Ragip Xhakën, i cili në zgjedhjet e 9 shkurtit të vitit 2025 garon në listat zgjedhore të PDK-së me numrin 34. “Kjo foto e veçantë me jep kurajo edhe energji t’i them vetit Shqiptar. Ju përshëndes të gjithë shoqërinë time që më duan kështu siç jam!”, ka shkruar Jakup Hasani në “Facebook”.