Në intervistën e dhënë pas përfundimit të rrugëtimit të saj në format, Meri tha se megjithëse nuk mundi të fitonte 100 mijë euroshin, kjo eksperiencë i shërbeu të njihej më mirë me publikun.

Meri: Nuk u mërzita që dola, ishte momenti që të largohesha sepse u nxehën paksa gjakrat. Në fillim u akuzova si njeri i dhunshëm, por në vijimësi tregova që nuk jam aspak e dhunshme. Kjo më mjaftoi që të them se ‘unë jam vetë paqja, mbrapa më vjen historia’.

Ledion Liço: Kjo është e vërtetë dhe unë jam i lumtur që emri yt ishte në një zarf që ta kë bëj me eliminimin për shkak të votave, dhe jo me një zarf të zi të Vëllait të Madh për çështje të tjera.

Meri: Falenderoj publikun që më ka mbështetur, unë dhash maksimumin.

Ledion Liço: Publiku të ka mbështetur shumë edhe në rrjetet sociale. Ti përballë kishe dy personazhe që janë tepër të komentuar dhe mbështetur nga jashtë, dikush më shumë dhe dikush më pak. Por ka edhe diçka, tin ë këtë televotim ti u fike gjatë këtyre ditëve. Të mungonte ajo energjia luftarake.

Meri: Jo, jo. Ndoshta kështu më keni parë, por unë kam qenë shumë e qetë. Po e prisja me qetësi dhe kam bërë shumë lojëra, jam kënaqur me Romeon, me njerëzit, kam bërë diskutime shumë të afërta me banorët, jam përpjekur të kuptojë nivelin e inteligjencës, diskutimet, aleancat që kishin, por mesa duket unë mbetem një fituese morale sepse paratë i marrin të tjerët.

Arbër Hajdari: E kundërta ndodhi me Gazin, i cili pas nominimit së bashku me Ilnisën u kthyen në shumë aktivë. Edhe mua më erdhi keq ashtu sikurse të gjithëve…

Meri: Çështja është se nuk më martuat mua, sepse edhe unë do të isha aktive.

Arbri: Mua më bëhet qejfi që ti dole sepse unë të dua për vete. Të dua për vete sepse kështu sikurse ka filluar ky Big Brother dua të jesh krahu im i djathtë sepse vetëm ti mund t’u japësh derman.

Meri: Unë jam shumë e lumtur që njoha personazhet aty brenda, ndoshta nuk ishte qëllimi im final për të fituar 100 mijë euroshin, por të njihesha më mirë me publikun. Aty gjërat shkuan mirë, mund të shkonin edhe më mirë, mund të bënim aleanca me banorët, por nuk mund të them as se kam qenë një njeri i qetë. Po studioja dhe po menaxhoja energjitë e mija. Sa i përket Gazit dhe Ilnisës, unë nuk mund të ngrihesha që në mëngjes dhe të bëja shamatë me tenxhere apo të zihesha qoshe më qoshe të shtëpisë dhe as të këndoja gjithë natën këngë rroku apo të isha një mashkull që rrinte gjithë natën aty me burrat e tjerë. Pozicioni im ishte ky, u ndjeva mirë, bëra atë që doja të bëja, mora dashuri, mora atë që doja të merrja, tani jam e gjitha për ju që t’u tregoj horoskopin.

Ori Nebiaj: Jam shumë e lumtur që Meri do të na japë serish horoskopin, por atë e penalizoi pak edhe shoqëria me Ilnisën. Banorët të penalizuan dhe të nxorrën në nominim ty, ndërkohë që do të kisha dashur të dilnin para teje nja 7 a 8.

Meri: Unë di vetëm një gjë që, Ilnisa dhe ata e dinin që unë do të dilja sonte. Mesa duket, aty brenda ka parashikues edhe më të mëdhenj se unë…

Ledion Liço: Që është?

Meri: Domethënë e dinin që unë do të dilja në nominim. Kujtimi më i bukur janë mbledhjet, festat, dhe takimet e harshme që kishin aty brenda. Më kishin munguar shumë ato momentet, unë jam tip i shoqërueshëm, por ndonjëherë më mblidhen të gjitha dhe kam ato gjërat e mija me të cilat duhet të merrem.

Ledion Liço: Kush e fiton këtë Big Brother?

Meri: Nuk bëjë asnjë parashikim, është shumë herët.