Zyrtarja e Lidhjes Demokratike të Kosovës, Jehona Lushaku Sadriu, ka reaguar lidhur me mesazhet e publikuara në media, duke theksuar se ato i përkasin një çështjeje tashmë të adresuar.

Gjatë një interviste në Pressing, ajo vuri në dukje se momenti i publikimit të tyre megjithatë ngre dilema mbi arsyet dhe prapavijën e kësaj lëvizjeje.

“Kryetari Abdixhiku, ashtu siç e keni lexuar në mesazh, në një forum krejt të mbyllur të partisë, ka thënë: ‘ju lus, kushdo që ka fakte, shkon tek organët e rendit, ata hetojnë, ata janë të thirrur për këtë’. Këtu ne e kemi konsumuar këtë si debat. Tash pse këto mesazhe po vijnë në këtë moment, kjo është tash një pikëpyetje tjetër për të cilin neve nganjëherë po na u duket sikurse në një mungesë komplet të përgjegjësisë të partisë më të madhe me formu qeverinë, ne po merremi me disa mesazhe të cilat janë adresu.” – tha ajo.