Mesazhi i Albana Bytyqit pas certifikimit si deputete
Albana Bytyqi do të jetë deputetja e re në Kuvendin e Kosovës, pas rinumërimit të votave në disa vendvotime.
Ajo do të zë vendin e Meliza Haradinaj-Stublla, në Kuvendin e Kosovës, pasi kjo e fundit pas numërimit të disa vendvotime mori më pak vota se Bytyqi.
Albana Bytyqi përmes një postimi në llogarinë e saj në “Facebook”, ka shkruar se do të jetë pjesë e legjislaturës së re të Kuvendit të Republikës së Kosovës, si deputete e re nga radhët e AAK-së.
“Do të bëjë maksimumin tim që të jap kontribut në mirëqenien e secilit qytetar!”, ka shkruar ajo.
Postimi i plotë i saj:
Të nderuar qytetarë, të nderuara media,
Tash e tutje do të jem pjesë e Legjislaturës së re të Kuvendit të Republikës së Kosovës. Si deputete e re nga radhët e Aleancës do të bëj maksimumin tim që të jap kontribut në mirëqenien e secilit qytetar!
Aleanca duhet të punojë shumë në vete për të gjetur rrugën e duhur drejt ndryshimit. Kjo sfidë bëhet më e lehtë me vendosshmërinë tonë dhe përkrahjen tuaj, prandaj faleminderit për besimin!
Falenderoj gjithashtu kryetarin z. Ramush Haradinaj për mbështetjen e dhënë! Ky privilegj më shton vullnetin dhe përgjegjësinë për angazhim më të fortë në interes të qytetarëve!
Jemi bashkë e na priftë e mbara!
Albana Bytyqi
