Mëshira e kasapit të Ballkanit
11 maj 2021
| 08:50
Xhevdet Bajraj
Në luftë
kasapi i Ballkanit
e kishte një ndjenjë të thellë
dhembshurie e keqardhjeje
ndiente mëshirë
vinte në shprehje
butësia e tij shpirtërore
ndaj vrasësve
kështu që vendosi t’ua dhurojë
nga një kolltuk
secilit prej xhelatëve të tij
veç e veç
që të pushojnë si njerëz
kur të lodhen duke vrarë
Poezi nga libri në dorëshkrim “Me zemër në qese najloni” që do të botohet në javën e ardhshme nga shtëpia botuese “Armagedoni”.
