Beqir Letaj, një mësimdhënës nga Komuna e Prizrenit është shprehur i zhgënjyer me mos-ekzekutimin e pagave për grevistët.

Letaj ka thënë se është votues i Vetëvendosjes prej vitit 2019, por tani është zhgënjyer nga udhëheqja e Vetëvendosjes për shkak të çështjes së nxehtë të pagave.

Ai ka thënë se edhe pesë muaj do të dalë në pension dhe se një pensionim të tillë nuk e meriton.

“E nderuara ministre Nagavci edhe 5 muaj do të pensionohem. Nuk e kam paramenduar kurrë që karriera ime do të përfundojë me këtë zhgënjim total”, ka shkruar ai në “Facebook”.

Letaj ka treguar se ka qenë kundërshtues i SBAShK-ut dhe i grevës.