Argjentina fitoi 3-0 ndaj Ekuadorit. Triumf i pastër i kombëtares albiceleste, që do të përballet me Kolumbinë në duelin gjysmëfinale të Kupës së Amerikës (Brazil-Peru gjysmëfinalja tjetër).

Për mediat foli Leo Messi, autori i dy asistimeve dhe një goli nga goditja e dënimit. 76 gola me kombëtaren për kapitenin, i cili është 1 gol larg rekordit të mbretit Pele (77 gola

“Mbërritja në gjysmëfinale ishte objektivi primar. Rekordi i Pele? Objektivat personalë janë sekondarë, ndodhemi këtu për një tjetër gjë. Duam të fitojmë Kupën, do të luftojmë fort deri në fund për t’ia dalë. Kolumbia ka lojtarë ekspertë dhe shumë të shpejtë, por ne duam të dalim në finale”, ka thënë Messi.