Messi: Finalja, ndeshja ime e fundit në Botëror
14 dhjetor 2022
| 10:25
Lionel Messi është një hap larg ëndrrës së tij më të madhe, triumfi me Argjentinën në Kupën e Botës. Ky trofe që për shumë të pasionuar të futbollit do ta kurorëzonte Messin si më të madhin e të gjithë kohërave.
Kapiteni argjentinas ka konfirmuar se finalja e së dielës do të jetë ndeshja e fundit me fanellën “bardhekaltër” në Kupën e Botës.
“Jam krenar që do të mund ta përfundoj karrierën time në Kupën e Botës duke luajtur në këtë finale. Ajo që po përjetoj është diçka emocionuese. Me siguri e diela do të jetë ndeshja ime e fundit në një Kupë Bote. Duhet të kalojnë shumë vite derisa të vijë Botërori i radhës (2026) dhe nuk mendoj se do të jem. Kështu që shpresoj të përfundoj në mënyrën më të mirë”, ka thënë Messi.