Messi: Ky është momenti më i vështirë në karrierën time
Lionel Messi ka mbajtur sot konferencën lamtumirës nga Barcelona në stadiumin ku kaloi shumë vite, “Camp Nou”.
Në fjalimin e tij, ai tha se ky është momenti më i vështirë në karrierën e tij.
“Ndihem shumë i pikëlluar që duhet të largohem tani nga klubi që e dua. Gjithmonë e kam thënë të vërtetën, vitin e kaluar desha të largohem. Pa asnjë dyshim ky është momenti më i vështirë në karrierën time”, ka deklaruar Messi.
Legjenda e Barcelonës, Lionel Messi, ka thënë se një ditë dëshiron që të kthehet te Barcelona dhe se ndihet keq që u desh të largohet në këto rrethana.
“Ka qenë një vit e gjysmë i vështirë pa tifozë. Doja të thosha lamtumirë si duhet”, ka thënë Messi.
“Kam dhënë gjithçka që nga dita e parë e deri te e fundit”.
“Shpresoj që një ditë të kthehem. Ua premtoj këtë fëmijëve të mi. Dua që ta ndihmoj këtë klub që të jetë më i miri”, ka deklaruar Messi.
