Inter Miami ka arritur që të fitojë trofeun e “Leagues Cup”, pasi ka mposhtur në finale Nashville pas ekzekutimit të penaltive 10-9.

Koha e rregullt në mes të dy ekipeve nga Amerika përfundoi me barazim 1-1, derisa golashënues tek Inter Miami ishte Lionel Messi, që ka kaluar ekipin e tij në epërsi në minutën e 23.

Argjentinasi është bërë lojtari më i trofeshëm në histori të futbollit, me gjithsej 44 tituj, duke tejkaluar ish-bashkëlojtarin e tij, Dani Alves, që ka 43 sosh.