Lionel Messi ka pasur një fillim të trazuar të karrierës së tij në Paris Saint-Germain, duke shënuar vetëm një gol në fitoren 2-0 kundër Manchester Cityt para se të paraqitej në humbjen 2-0 ndaj Rennes fundjavën e kaluar, por argjentinasi nuk pendohet me kalimin te gjigantët francezë.

Në një intervistë ekskluzive për revistën “France Football”, Messi foli për herë të parë për një media që kur iu bashkua PSG-së dhe ai është i bindur se ka marrë vendimin e duhur.

“Unë nuk bëra asnjë gabim kur shkova në PSG”, është fraza që bie në sy nga intervista e Messit, e cila do të botohet e plotë të shtunën e 9 tetorit. Në anën tjetër, Barcelona, ish-klubi i Messit, ka qenë në krizë pas krize, me pozicionin e Ronald Koeman si trajner tani nën kërcënim serioz. Si i tillë, edhe pse PSG ka disa gjëra që duhet të zgjidhen, është një skenar krejtësisht i ndryshëm nga ajo që po ndodh në “Camp Nou”. Qëkur iu bashkua PSG -së, Messi ka luajtur në pesë ndeshje në të gjitha garat dhe ka shënuar një gol.