Lionel Messi ka thënë se Real Madrid e ka fituar me meritë titullin e kampionit të Spanjës në futboll.

“Mendoj se Reali bëri atë që iu desh ta bëjë. Ata bënë shumë mirë prej kthimit pas krizës. Nëse e shohim gjithë sezonin, Real Madrid sigurisht se e meritoi titullin”, ka thënë Messi.

“Mbretërit” fituan 2 me 1 ndaj Villarreal, duke siguruar kështu titullin e 34-të në histori të La Ligas. Ky është triumfi i parë i madrilenëve në kampionatin e Spanjës, pas vitit 2017. “Ne kishim shumë lëndime dhe shumë pikë që lëshuam gjatë lojërave kur nuk duhej ta bënim një gjë të tillë, por tashti duhet të jemi vetëkritikë dhe të shohim pas se ku gabuam”, ka shtuar Messi.