Barcelona është kualifikuar në çerekfinale të Ligës së Kampionëve pasi ka eliminuar Chelsean, në 1/8 e finales.

Lionel Messi shkëlqeu me dy gola dhe një asist në fitoren 3 me 0 ndaj “Bluve” duke e çuar tutje skuadrën e tij, pasi në ndeshjen e parë ekipet barazuan 1 me 1.

Goli i parë i Messit erdhi qysh në minutën e tretë. Ai më pas asistoi 17 minuta më vonë për Ousmane Dembelen. Në minutën e 61-të, Messi vulosi kualifikimin e Barçës.