Natën mes të mërkurës dhe të enjtes në Rosario, dy burra me motoçikletë qëlluan me 14 plumba në një dyqan në pronësi të familjes së Antonella Roccoco, gruaja e futbollistit të famshëm Lionel Messi.

Kriminelët kanë lënë edhe një mesazh kërcënues të shkruar me dorë drejtuar Lionel Messit, transmeton “Oberainside”.

“Messi, ne po të presim. Javkin është një tregtar droge, ai nuk do të kujdeset për ty”, shkruhej në mesazhin e frikshëm.

Në publik u bë një panik i madh, të gjithë janë seriozisht të shqetësuar për sigurinë e futbollistit që i solli vendit të tij titullin e shumëpritur të kampionit të botës.

Dyqani ku është goditur nga të shtënat është në pronësi të familjes së Antonelës dhe menaxhohet nga një prej të afërmve të gruas së asit të famshëm. Ekziston një teori që mafia dëshiron të zhvatë para nga familja Messi.