Presidenti i Shqipërisë, Ilir Meta, ka dekretuar aktin normativ të votuar në seancë plenare për marrëveshjen në mes të Ministrisë së Shëndetësisë (MSh) dhe kompanisë “Pfizer” për vaksinat e Covid-19.

Meta ka dekretuar edhe ratifikimin e konventës së Këshillit të Evropës për bashkëprodhimin kinematografik, si dhe ratifikimin e konventës ndërmjet Këshillit të Ministrave të Republikës së Shqipërisë dhe qeverisë së Izraelit për shmangien e taksimit të dyfishtë dhe parandalimin e evazionit fiskal në lidhje me tatimin mbi të ardhurat.