Drejtësia të veprojë në mënyrë të pavarur në respekt të shtetit të së drejtës. Ky ka qenë komenti i presidentit të Shqipërisë, Ilir Meta kur është pyetur nga gazetarët për rastin e Saimir Tahirit.

Gjatë kësaj përgjigje presidenti Meta ka qenë në Cërrik, ku ka marrë pjesë në panairin e Agrobiznesit dhe Artizanatit.

Ai është takuar me prodhues, zejtarë e fermerë të zonës, me ç’rast ka bërë apel për promovimin e produkteve bio “Made in Albania”.

Më herët, presidenti Meta ka marrë pjesë në ceremoninë përkujtimore të 75-vjetorit të Batalionit partizan të Dumresë.