Presidenti i Shqipërisë, Ilir Meta është përplasur me policinë bashkiakë në zyrat e FRD-së, madje duke i kërcënuar se do t’i fusë në burg.

“Dilni përjashta , mos krijoni probleme kaq, po ju them. Do t’ju çoj në burg me duart e mia, kaq po ju them”, u ka thënë presidenti Ilir Meta punonjësve të policisë tejet i acaruar.

Shkak është bërë një konflikt që nisi pasi anëtarët e FRD-së nuk pranonin t’i lironin zyrat me kërkesë të bashkisë Tiranë, ku në një shkresë të kësaj të fundit thuhet se ata duhet të dalin pasi ndërtesa është e amortizuar.