Presidenti i Shqipërisë, Ilir Meta, ka takuar dje në Prishtinë kryetarin e Lëvizjes Vetëvendosja, Albin Kurti dhe kryetarin e Lidhjes Demokratike të Kosovës, Isa Mustafa.

Meta ka falendëruar Kurtin e Mustafën  për solidaritetin që kanë treguar dhe ndihmën konkrete që kanë dhënë në mbështetjen e familjeve të prekura nga tërmeti i 26 nëntorit.

“Si fitues të zgjedhjeve parlamentare iu urova suksese në partneritetin e tyre për krijimin e institucioneve të reja qeverisëse. Kosova i ka të gjitha mundësitë të jetë një shembull i mirëqeverisjes në rajonin tonë”, ka shkruar Meta në llogarinë e vet në “Facebook”.