Gjiganti teknologjik, Microsoft ka thënë se hakerët e lidhur me Rusinë, Kinën dhe Iranin janë duke tentuar të spiunojnë njerëzit dhe grupet e përfshira në zgjedhjet presidenciale të këtij viti në Shtetet e Bashkuara.

Grupi rus, që ka kryer hakime të fushatës së demokratëve më 2016, është sërish i përfshirë në sulme kibernetike, ka thënë kjo kompani amerikane.

Microsoft ka thënë se ka qenë e qartë “që grupet për aktivitet të jashtëm kanë rritur përpjekjet” duke shënjestruar zgjedhjet.

Si fushata e presidentit aktual, Donald Trump, ashtu edhe ajo e kandidatit demokrat për president, Joe Biden është thënë se janë duke u shënjestruar.

Zgjedhjet presidenciale në SHBA do të mbahen më 3 nëntor.