Dhjetëra mijëra protestues u mblodhën në Tel Aviv për të kërkuar nga qeveria izraelite të bëjë më shumë për lirimin e pengjeve që ende mbahen nga Hamasi në Gaza.

Protestuesit mbanin fotografi të disa prej izraelitëve të rrëmbyer gjatë inkursionit të Hamasit në Izrael në tetor të vitit të kaluar, kur rreth 250 njerëz u morën peng.

Ata gjithashtu kërkuan një armëpushim të menjëhershëm për t’i dhënë fund luftimeve mbi tetë mujore në Gaza, të cilat kanë vrarë gati 38,000 palestinezë dhe të paktën 318 ushtarë izraelitë.