Protesta kundër pushtetit të Presidentit Aleksander Vuçiq në Beograd ka filluar edhe sonte në ora 18:00 para Fakultetit Filozofik, dhe ka vazhduar drejt televizionit shtetëror dhe Kuvendit të Serbisë.

Derisa mediat serbe nuk po shkruajnë për këtë protestë masive që u zhvillua edhe ditë më parë, një kompani mediale serbe ‘Ricochet special’ ka publikuar një video direkt nga protesta, transmeton “Indeksonline”.

Në këto pamje mund të shihni që kjo protestë është masive, ku sipas kësaj medie janë 10 mijë qytetarë.

Serbët po protestojnë kundër dhunës se pushtetit serb të Presidentit Vuçiq.

Në protestë janë parë edhe forcat policore serbe të cilët po monitorojnë situatën.