Milani ia ka vënë syrin James Rodriguezit, i cili mund të largohet nga Evertoni gjatë kësaj vere si rezultat i largimit të papritur të trajnerit Carlo Ancelotti.

Mesfushori kolumbian mund t’i bashkohet ekipit kuqezi për 10 milionë euro. Lajmin e ka bërë me dije mediumi “Antena 2”. Ish-futbollisti i Portos, Monacos, Real Madridit dhe Bayern Munichut, e ka në tavolinë një kontratë trevjeçare, të cilën e ka bërë gati “Rossoneri”.

Futbollisti i Evertonit shpreson t’i bashkohet Milanit pasi e kaloi vitin e parë me rënie e ngritje në Premierligë. Ai dëshiron të luajë përsëri në Ligën e Kampionëve dhe këtë mundësi mund t’ia ofrojë gjiganti italian Milan.