Sulmuesi i Kombëtares italiane i cili u shpall dhe kampion i Evropës në “Euro 2020” me të kaltërit, Andrea Belotti është sërish në shënjestrën e Milanit ku tani kanë rinisur sërish kontaktet.

Skuadra kuqezi është në kërkim të një sulmuesi dhe ideali duket se është “gjeli” Beloti duke parë se është italian dhe e njeh shumë mirë Serinë A dhe ndihet i ambientuar me këtë kampionat.

Sulmuesi kampion Evrope gjatë verës ka qenë shumë pranë transferimit tek Roma e Jose Mourinhos, por duket se gjërat morën tjetër rrjedhë dhe 27-vjeçari është në shënjestrën e Milanit, e cila prej vitesh e ka simpatizuar si lojtar.