Pas dy ndeshjeve hapëse, të zhvilluara një ditë më parë, tashmë NBA ka hyrë në ritëm të plotë, me 10 takime të luajtura. Milwaukee arriti të triumfojë 124-109 jashtë fushe, duke mundur Philadelphia. Një sfidë mes dy ekipesh pretendente në Konferencën e Lindjes. Lillard me 30 pikë e Antetokounmpo me 25 pikë e 14

rebound, ishin më të mirët në fushë për Bucks. Për miqtë, të gjithë titullarët realizuan mbi 10 pikë. Pas kohës shtesë triumfon skuadra e Phoenix, që mundi 116-113 Clippers jashtë fushe. Durant me 25 pikë e Beal me 24 bënë diferencën në fushë për miqtë, duke i bërë të pavlefshme 29 pikët e Harden.

Fitore të rëndësishme jashtë fushe korri edhe ekipi i Golden State, që mundi 139-104 Portland, ku 7 lojtarë të Warriors realizuan mbi 10 pikë. zhgënjen Miami, që në fushën e tij u mund 116-97 nga Orlando (Banchero 33 pikë).

Rezultatet

Detroit – Indiana                        109-115
Atlanta – Brooklyn                    120-116
Miami – Orlando                       97-116
Philadelphia – Milwaukee       109-124

Toronto – Cleveland                  106-136
Houston – Charlotte                  105-110
New Orleans – Chicago             123-111

Utah Jazz – Memphis               124-126
Clippers – Phoenix                    113-116
Portland – Golden State           104-139