Ministri i Arsimit, Shkencës dhe Teknologjisë, Shyqiri Bytyqi, ka ngushëlluar familjen e regjisorit, Bekim Lumi, i cili ndërroi jetë mëngjesin e së hënës.

Bytyi ka thënë se me ndarjen e Bekim Lumit nga jeta, arsimi ynë ka humbur një nga njerëzit më të përkushtuar për përgatitjen e gjeneratave të reja, ashtu siç ka humbur edhe kultura një njeri të madh që na përfaqësoi denjësisht në botë me veprat e tij.

“E nderuara familje Lumi,

Me pikëllim të thellë e morëm lajmin për ndarjen nga jeta të më të dashurit tuaj, profesorit dhe artistit tonë të madh, Bekim Lumi.

Me ndarjen e tij nga jeta, arsimi ynë ka humbur një nga njerëzit më të përkushtuar për përgatitjen e gjeneratave të reja, ashtu siç ka humbur edhe kultura një njeri të madh që na përfaqësoi denjësisht në botë me veprat e tij.

Bekim Lumi do të jetojë përgjithmonë në kujtesën tonë kolektive si njeri me vlera, si mësimdhënës e regjisor. Vepra e tij do të vazhdojë të na bëj krenarë!

Prandaj, pranoni ngushëllimet e mia dhe të Ministrisë së Arsimit, Shkencës dhe Teknologjisë!

Pushoftë në paqen e përjetësisë, Bekimi ynë!”, thuhet në ngushëllimin e ministrit Bytyqi.

/Epoka e re/