Ministri i Arsimit, Shyqiri Bytyqi, ka pritur sot në takim ambasadoren e Kroacisë në Kosovë, Marija Kapitanovic, me të cilën ka biseduar për mundësitë e thellimit të bashkëpunimit ndërmjet dy vendeve në sektorin e arsimit.

Ministri Bytyqi ka falënderuar ambasadoren Kapitanovic për mbështetjen që shteti kroat i ka dhënë Kosovës, si dhe për interesimin dhe gatishmërinë e Kroacisë për bashkëpunim.

Po ashtu Bytyqi ka theksuar nevojën e hartimit të një memorandumi të bashkëpunimit në mes dy vendeve, sidomos sa i përket shkëmbimit të studentëve dhe profesorëve, por edhe shfrytëzimin e mundësive të bashkëpunimit përmes Erasmus +.

/Epoka e re/