![](https://www.epokaere.com/wp-content/uploads/2021/09/hajrulla-ceku.jpg)
Ministri Çeku: Sportistet që na bënë krenarë, tash do ta kenë shtëpinë e tyre
Sot në Pejë është përuruar Qendra Nacionale e Xhudos.
Ministri i Kulturës, Rinisë dhe Sportit, Hajrullah Çeku është i lumtur pasi që sportistet që e bënë krenarë një komb të terë, tash do ta kenë shtëpinë e tyre.
“Sportistet që i kanë dhënë shpresë, krenari dhe emocion një kombi të tërë, që me sukseset e tyre kanë kaluar çdo parashikim, Majlinda Kelmendi, Distria Krasniqi, Nora Gjakova dhe xhudistët tjerë, së bashku me trajnerin e tyre, Driton Kuka, tashmë do të kenë shtëpinë e tyre të xhudos. Sot në qytetin e Pejës, në një ambient shumë të veçantë, të rrethuar me malet e bukura të Rugovës, përuruam Qendrën Nacionale të Xhudos. Jam shumë i lumtur që tash gjenerata të tëra talentesh të rinj në sportin e xhudos, do ta kenë një vend të denjë për zhvillimin e të gjitha aktiviteteve sportive, të dedikuar pikërisht për ta”, ka thënë Çeku.
/Epoka e re/