Ministri i Punëve të Brendshme, Bejtush Gashi, ka pritur të hënën në takim ambasadorin e Republikës së Francës në Kosovë, Didier Chabert, me të cilin kanë diskutuar për bashkëpunimin mes dy shteteve sidomos atë policor.

Me këtë rast, ministri Gashi e ka njoftuar ambasadorin Chabert për situatën e përgjithshme të sigurisë në Kosovë, duke vlerësuar se situata e përgjithshme sigurisë është e qetë dhe stabile.

Ai po ashtu vuri në dukje angazhimet që do po bëhen sa i përket luftimit të krimit të organizuar dhe korrupsionit.

Ndërsa, ambasadori i francez ka vlerësuar të arriturat në Kosovë dhe u shpreh i gatshëm në vazhdimin e bashkëpunimit të mirë që ka ekzistuar mes dy vendeve, sidomos sa i përket bashkëpunimit policor mes dy vendeve.

Në këtë takim u bisedua edhe për procesin e liberalizimit të vizave për përkushtimin e MPB-së në plotësimin e kritereve dhe për menaxhimin pas procesit të liberalizimit të liberalizimit të vizave.

Me këtë rast, ministri Gashi ka theksuar se janë bërë përgatitjet e duhura që të njoftohen qytetarët se cilat janë përparësitë dhe përgjegjësitë pas liberalizimit të vizave.

/Epoka e re/