Ministri i Kulturës, Hajrulla Çeku, ka ngushëlluar familjen Qorraj dhe të gjithë komunitetin artistik për ndarjen nga jeta të aktorit Xhevat Qorraj.

“Lajmi për vdekjen e Xhevat Qorrajt, një prej aktorëve më të spikatur të teatrit dhe kinematografisë shqiptare, na trishtoi të gjithëve. Një humbje e madhe për artin e kulturën, por me një galeri të pasur rolesh, Qorraj do të mbahet mend gjatë dhe do të vazhdojë të ndriçojë rrugën e artit për shumë breza. Ngushëllime të sinqerta për familjen dhe të gjithë komunitetin artistik”, ka shkruar Çeku në “Facebook”.