Ministri i Tregtisë dhe Industrisë, Bajram Hasani, së bashku me ambasadorin e Shqipërisë në Kosovë, Qemal Minxhozi dhe kryetarin e Komunës së Gjilanit, Lutfi Haziri, kanë hapur sot në Gjilan Konsullatën e Nderit të Republikës së Shqipërisë.

Hasani ka thënë se hapja e kësaj Konsullate është një tregues shumë i mirë për thellimin e bashkëpunimit mes qytetit të Gjilanit dhe Shqipërisë.

“Në radhë të parë në forcimin e lidhjeve shpirtërore, por edhe nxitjen e bashkëpunimeve në fusha tjerë, përfshirë këtu ekonominë, arsimin, kulturën e të tjera. Ky është edhe një detyrim për t’i zhvilluar edhe më tej marrëdhëniet tona”, ka thënë Hasani.

Ministri Bajrami i ka uruar punë të mbarë konsullit Valon Ademi.

Hapja e Konsullatës së Nderit të Shqipërisë në Gjilan është bërë në 19-vjetorin e shënimit të Ditës së Çlirimit.

I pranishëm në këtë ngjarje ishte edhe këshilltari lartë i zëvendëskryeministrit Fatmir Limaj, Endrit Shala.

/Epoka e re/