Me rastin e 21-vjetorit të masakrës së Reçakut, ministri i Mbrojtjes, Rrustem Berisha dhe komandanti i FSK-së, gjenerallejtënant Rrahman Rama, kanë bërë homazhe në Kompleksin Përkujtimor në Reçak, duke vendosur lule në nderim të martirëve dhe dëshmorëve të Reçakut, të masakruar nga ushtria serbe gjatë luftës çlirimtare në Kosovë.

Ministri Berisha dhe gjeneral Rama, gjatë vizitës kanë takuar edhe familjarët e pranishëm, të cilëve ju shprehën ngushëllime duke çmuar lartë sakrificën e të rënëve.