Ministri i Tregtisë dhe Industrisë, Vesel Krasniqi priti në takim përfaqësuesit e Odes së Afarizmit të Kosovës (OAK), ku diskutuan për bashkëpunim në gjetjen e mundësive për ta tejkaluar gjendjen aktuale, që ka shkaktuar pandemia tek bizneset.

Po ashtu, në takim u bisedua edhe rreth pakos fiskale si do të ndihmohen bizneset për t’i tejkaluar vështirësitë me të cilat po ballafaqohen aktualisht.

“Ministri Krasniqi ritheksoi se do të jetë gjithherë përkrahës i bizneseve pasi që nga këto varet edhe zhvillimi ekonomik i vendit. Në fund, ministri Krasniqi e falënderoi kryetarin e OAK-së,  Skender Krasniqin për aktivitetin e pandalshëm në kreativitetin e përfaqësimit të bizneseve”, thuhet në njoftimin e MTI-së.