![](https://www.epokaere.com/wp-content/uploads/2022/03/FB_IMG_1647015283306.jpg)
Ministri Mehaj priti në takim ambasadorin britanik, Nicholas Abbot
11 mars 2022
| 17:16
Ministri i Mbrojtjes, Armend Mehaj, priti sot në takim, ambasadorin e Mbretërisë së Bashkuar, Nicholas Abbot, me të cilin diskutuan për zhvillimet gjeopolitike pas agresionit ushtarak të Rusisë në Ukrainë dhe ndikimit të tij në aspektin e sigurisë dhe stabilitetit në rajon.
Gjithashtu, ata diskutuan edhe për stadin e realizimit të projekteve të përbashkëta në kuadër të planit të bashkëpunimit bilateral në fushën e mbrojtjes dhe sigurisë.
Ndër të tjera ministri Mehaj dhe ambasadori Abbot u pajtuan për intensifikimin e angazhimit të përbashkët në të ardhmen, në funksion të paqes, stabilitetit dhe sigurisë rajonale dhe më gjerë.