Ministri i Financave, Punës dhe Transfereve, Hekuran Murati ka publikuar borxhet e dhjetë komunave që kanë më së shumti obligime.

Sipas Muratit, këto borxhe janë deri në fund të muajit gusht, ku sipas listës prinë Komuna e Gjilanit me 10.45 milionë euro, ndjekur nga Ferizajt me 4.39 milionë euro dhe Mitrovica me 2.42 milionë euro.

“Nisur nga interesimi i shtuar i medieve dhe publikut për borxhet e komunave, në vijim gjeni grafikonin që paraqet 10 komunat që kanë më së shumti obligime të papaguara (sipas prerjes në fund të muajit gusht)”, thuhet në postimin e Muratit në “Facebook”.

Nga kjo renditje, më së paku obligime të papaguara ka Komuna e Skenderajt me 157 mijë euro.