Ministri i Punës dhe Mirëqenies Sociale, Skender Reçica, priti sot në takim ambasadoren e Republikës së Kroacisë në Kosovë, Marija Kapitanovic, me të cilën diskutuan për një varg çështjes të rëndësishme.

Ministri Reçica dhe ambasadorja Kapitanovic biseduan rreth thellimit të mëtutjeshëm të bashkëpunimit bilateral në mes të dyja shteteve, në fusha të caktuara relevante.

Me theks të veçantë, u bisedua rreth punësimit sezonal të qytetarëve të Republikës së Kosovës në Republikën e Kroacisë.

Të dy u dakorduan për avancim të procesit sa i përket punësimit sezonal.

Temë diskutimi ishte edhe avancimi i procesit rreth marrëveshjes bilaterale për sigurime sociale në mes të Kosovës dhe Kroacisë, marrëveshje për të cilën është marrë iniciativa për nisje të negociatave.

Ambasadorja Kapitanovic ka falënderuar ministrin Reçica për pritjen dhe ka theksuar mbështetjen e shtetit kroat për Kosovën, në të gjitha proceset e saj të rëndësishme.