Ministri i Punëve të Brendshme, Xhelal Sveçla, ka pritur të hënën në takim një delegacion nga Sindikata e Zjarrfikësve të Kosovës.

Ministri Sveçla është informuar hollësisht lidhur me shqetësimet dhe sfidat me të cilat ballafaqohen zjarrfikësit gjatë kryerjes së detyrave të përditshme dhe përgjegjësive në shpëtimin e jetëve të qytetarëve në rrezik.

Me këtë rast, ministri Sveçla ka thënë se se e çmon lartë profesionalizmin që kanë zjarrfikësit e Republikës së Kosovës, përkundër kushteve të pavolitshme në të cilat punojnë.

Me këtë rast, Sveçla është zotuar se zjarrfikësit do të kenë mbështetjen e plotë nga Ministria e Punëve të Brendshme në zgjidhjen e statusit të tyre në mënyrë që të përmbushin me sukses detyrat dhe misionin e tyre.