Ministria e Jashtme e Bullgarisë i dërgon notë proteste Maqedonisë së Veriut

12 korrik 2022 | 15:26

Ministria e Punëve të Jashtme e Bullgarisë i ka  dërguar një notë Ministrisë së Punëve të Jashtme të Republikës së Maqedonisë së Veriut në lidhje me “manifestimet dhe parullat e shumta të drejtuara kundër Bullgarisë” në hapësirat publike të vendit, njoftojnë nga Ministria e Punëve të Jashtme bullgare.

Në notë protestën janë shprehur shqetësimet e thella për atë që është duke ndodhur “që është edhe një përgjigje ndaj narratives së përhapur antievropiane, kundër vendosjes së marrëdhënieve të fqinjësisë së mirë mes dy vendeve”.

“Është veçanërisht shqetësuese që aktet dashakeqe në hapësirat publike po përshkallëzohen në një kohë kur Sofja dhe Shkupi po kërkojnë në mënyrë aktive një mënyrë për dialog konstruktiv dhe gjetjen e zgjidhjeve të qëndrueshme reciprokisht të pranueshme në interes të integrimit evropian të Republikës së Maqedonisë së Veriut dhe rajonit. Besojmë se akte të tilla do të bëhen pjesë e së kaluarës dhe dy vendet tona do të arrijnë të hapin një faqe të re në marrëdhënie, të bazuar në respektin e ndërsjellë dhe miqësinë e sinqertë”,  është thënë nga Ministria e Punëve të Jashtme të Bullgarisë./AlsatM/

Lajme të sponsorizuara

Të fundit
Napoli nuk ka arritur ta bindë mbrojtësin Kalidou Koulibaly, me…