Ministria e Punëve të Jashtme të Republikës së Kosovës (MPJD) që drejtohet nga Donika Gërvalla, ka ngatërruar përsëri flamujt e shteteve, teksa kanë uruar shtetin e Andorrës me rastin e ditës së pavarësisë.

Në postimin e publikuar faqen zyrtare në “Twitter” të MPJD-së, në vend të flamurit të Andorrës është vendosur flamuri i shtetit të Moldavisë.

“Me rastin e Ditës së Pavarësisë së Andorrës, urojmë një ditë të lumtur dhe prosperitet të vazhdueshëm për të gjithë qytetarët e Moldavisë. Kosova mezi pret të forcojë marrëdhëniet me Moldavinë”, është teksti origjinal i postimit.

Se flamuri është i Moldavisë e tregon edhe vetë “Twitter”-i vetëm nëse e afron kursorin dhe shënon “flag of Moldova”.

Flamujt e Andorrës dhe Moldavisë kanë ngjyrat e njejta, megjithatë dallojnë jashtëzakonishtë shumë në simbolet që kanë brenda flamurit.

Flamuri i Andorrës

Flamuri i Moldavisë

Kjo nuk është hera e parë që bëhen lëshime të tilla nga Ministria e Punëve të Jashtme të Republikës së Kosovës. Më herët kishin ngatërruar flamurin e NATO-së me atë të Kombeve të Bashkuara.

https://twitter.com/MFAKOSOVO/status/1435560366378033159?ref_src=twsrc%5Etfw%7Ctwcamp%5Etweetembed%7Ctwterm%5E1435560366378033159%7Ctwgr%5E%7Ctwcon%5Es1_&ref_url=https%3A%2F%2Fwww.gazetaexpress.com%2Fqesharake-dhe-tragjike-donika-gervalla-prape-i-ngaterron-flamujt-ne-twitter%2F

https://twitter.com/MFAKOSOVO/status/1435560366378033159?ref_src=twsrc%5Etfw%7Ctwcamp%5Etweetembed%7Ctwterm%5E1435560366378033159%7Ctwgr%5E%7Ctwcon%5Es1_&ref_url=https%3A%2F%2Fwww.gazetaexpress.com%2Fqesharake-dhe-tragjike-donika-gervalla-prape-i-ngaterron-flamujt-ne-twitter%2F