Ministria e Mbrojtjes e Ukrainës ka përshkruar fotografi dhe video nga qyteti Bucha që gjendet në perëndim të Kievit.

Në një video të shpërndarë në profilin zyrtar në “Twitter” të kësaj ministrie, mund të shihet tmerri që kanë përjetuar ukrainasit.

“Srebrenica e re. Qyteti ukrainas Bucha prej javësh është nën kontrollin e ‘kafshëve ruse’. Civilët lokalë janë vrarë në mënyrën më të tmerrshme, u janë lidhur duart pas shpinës, e trupat u janë hedhur nëpër rrugët e qytetit”, thuhet në kumtesën e ministrisë ukrainase të Mbrojtjes.

Videon që e kanë realizuar ushtarët ukrainas me rastin e hyrjes në Bucha mund ta shikoni më poshtë, por që vlen të theksohet se janë pamje shumë të rënda.