Ministrja e re e Bujqësisë, Pylltarisë dhe Zhvillimit Rural (MBPZhR) nga radhët e komunitetit serb, Dijana Zhiviq, ka marrë pjesë në mbledhjen e Qeverisë së drejtuar nga kryeministri Ramush Haradinaj.

Me këtë rast, Haradinaj i ka uruar mirëseardhje ministres së re të cilën e ka emëruar të hënën në këtë pozitë në vend të Nenad Rikallos të cilin e pati shkarkuar më 2 shkurt.

Ministrja Dijana Zhiviq ka qenë e vetmja ministre nga komunitetit serb që ka marrë pjesë në mbledhjen e Qeverisë, pasi ministrat e Listës Serbe ka kohë që nuk janë duke marrë pjesë në mbledhjet e ekzekutivit.

/Epoka e re/