Ministrja e Financave dhe Ekonomisë e Shqipërisë, Anila Denaj është infektuar me Covid-19.

Lajmin e ka bërë me dije vetë ajo më anë të një postimi në profilin e saj në “Facebook”.

“Pas testimit për Covid-19, ju informoj se kam rezultuar pozitive. Aktualisht jam karantinuar, duke ndjekur udhëzimet e mjekëve për hapat e mëtejshëm dhe trajtimin gradual të sëmundjes. Ju ftoj të gjithëve, të zbatojmë rregullat e higjienës dhe të mbajmë maskën duke ruajtur distancën sociale. Ju uroj shëndet të plotë!”, ka shkruar ajo.