Është miratuar në parim Projektligji për pagën minimale.

Me 68 vota pro, përfshirë edhe ata të Listës serbe u miratua ky projektligj.

Deputetët nga 6+ kanë abstenuar.

Deputetët e Partisë Demokratike të Kosovës nuk kanë marrë fare pjesë në seancë me arsyetimin se veteranëve po u bëhet e padrejtë.

Projektligji i miratuar parasheh rritjen e pagës minimale në 264 euro bruto, apo 250 euro neto.

Ky projektligj i miratuar në parim në Kuvendin e Kosovës është kundërshtuar nga veteranët e Ushtrisë Çlirimtare të Kosovës për shkak të mospërfshirjes së të tyre në rritjen e pagës minimale.

Veteranët e UÇK-së kanë protestuar më 6 qershor para Kuvendit të Kosovës, për shkak të mospërfshirjes së pensioneve të tyre në rritjen e pagës minimale.